Monthly Archives: মাৰ্চ 2014

:ৰঙা কবিতা: – ৰাজীৱ কায়স্থ

সৌ সিদিনা
দেখিছিলো তাইক
শৰণীয়া পাহাৰৰ
হৃৎপিণ্ডত কড়ি
খেলি থকা ।
_
অৰুণাচলৰ এটা
আদিম জাতিৰ
দৰেই সুমিউ সুমিউ কৈ সুহুৰিয়াইছিল
তাই,
লঠঙাৰ আঁৰে আঁৰে
_
মৃম বৃৰ য়াঃমেৰ
গুমৰাগ…লৃগাং আৰু
আপং শিমলুৰ
হেঙুল দাপোণত তাই
অই-নিতম গাইছিল
_
সৌ সিদিনা
দেখিছিলো; তাই
মোৰ বুকুৰ বুলবুলি
মিবু গালোগত,
নাচিছে গুমৰাগ
পছোৱাৰ বা লাগি ।
_
পকা পাতৰ
মৰমৰণিত মই
বুজিছিলো, তাই
আহিছে ।
_
তাই আহিছে বুটা
বছা সাজত হৃদয়ত
মোৰ শিমলুৰ হেঙুল
ফুলাবলৈ…।
_
তাই পুখুৰীত
নামিছিল আৰু মোক
তাইৰ বুকুৰ
নাহৰফুলীয়াত বুৰাই
লৈছিল ।
_
চিলাৱতী পথাৰৰ
কদম জুপিত তাইৰ
মৌ চাৱনিৰ আৱেশ
য’ত মোৰ প্ৰেমৰ
বুলবুলি আজিও
আছে নাচি ।

%d bloggers like this: